Շաբաթ օրը Կրթահամալում յուրահատուկ եռուզեռ էր: Ձմեռային
մարզական խաղերի մեկնարակ,որին
մասնակցում էին 4-12-րդ դասարանի սովորողները, ՀՀ ԿԳ նախարարության նախաձեռնությամբ Կրթահամալիրում կազմակերպված ԿԳՆ հեռավար
ուսուցման ծրագրի մասնակիցների հավաք :Շատ հյուրեր, սովորողներ,
մուտք ու ելք…
Առավոտյան ստացա սովորողի համար
նախատեսված իմ բեյջն ու անցա գործի: Հյուրերին դիմավորում էինք, գրանցում, ապա կազմակերպում էինք շրջայց
դպրոցում:Սյունիքից ժամանած դասավանդողների
խմբի համար էլ ես կազմակերպեցի շրջայց-զրույց Մայր դպրոցում: “World Vision”-ի կողմից կազմակերպված կրթական փոխանակումները մեր Կրթահամալիրի
հետ ինձ այնքան էին հմտացրել, որ
առանց հուզվելու,վստահ ու մեծ սիրով կարողանում էի խմբին
ուղեկցել ինքնուրույն, ինչպես թանգարանային գիդը՝ այցելուներին: Շրջայցը
սկսեցինք «Սեբաստիա» համերգասրահից: Պահարանները հյուրերին շատ զարմացրին:
Ներկայացրեցի Մարմարյա սրահն իր նշանակությամբ ու մեդիահամերգներով:
Հյուրերը ասացին, որ այսպիսի համակարգի հանդիպել էին միայն
հոլիվուդյան ֆիլմերում:
Բոլոր 55 մասնակիցները գրանցված են, հավաքը
սկսված: Իր ողջույնի խոսքն ասած ՀՀ ԿԳՆ փոխնախարար Դավիթ Սահակյանը: Ապա ներկայացվեցին
ցուցադրություններ մենթոր և մենթի դպրոցների
չորսամսյա աշխատանքային փորձից: Խոսվեց դժվարություններից, հաջողություններից:
Հանդիպման երկրորդ մասը աշխատանքային հավաքն
էր: Կազմվել էր 4 խումբ՝
խմբում 4 ենթախումբ:
Խմբերը պետք
է բարձրացնեին լոկալ մանկավարժական խնդիրներ,որից
հետո՝ առաջարկեին իրենց լուծումները: Խմբերն աշխատում էին
փոխօգնությամբ: Նշեմ նաև, որ Կրթահամալիրը նույնպես մենթոր դպրոց է և իր գործընկերների հետ մի քանի
փոխայցելություններ են ունեցել, մշակել առաջիկա համագործակցային նախագծերը:Հանդիպումն
ամփոփվեց աշխատանքների նեկայացմամբ:
Ինձ համար օրվա
մեջ ամենահետաքրքիրն այն էր,որ ամբողջ ընթացքում կային տարբեր փուլերի
ու բաժինների համար պատասխանատու սովորողներ,ովքեր իրենց գործը անում էին մեծ ժրաջանությամբ ու
պատասխանատվությամբ: Ես էլ նկարների ու լուսաբանման պատասխանատուն էի,հուսով եմ ձեզ
դուր եկավ:
Комментариев нет:
Отправить комментарий